Tuesday, October 18, 2011

മണ്ടന്‍ ശാസ്ത്ര ചിന്തകള്‍


എന്താണ് പ്രപഞ്ചം? പ്രപഞ്ചമെന്നാല്‍ എല്ലാം എന്നര്‍ത്ഥം. സര്‍വ്വ ചരാചരങ്ങളും ഊര്‍ജ്ജവും ശൂന്യതയുമെല്ലാം അതില്‍ ഉള്‍പ്പെടുന്നു. അപ്പോള്‍, വേറെ പ്രപഞ്ചം ഉണ്ടെന്നുള്ള ശാസ്ത്ര വാദങ്ങള്‍ പ്രപഞ്ചത്തിന്റെ നിര്‍വ്വച്ചനത്തിനു തന്നെ നിരക്കത്തതാകുന്നു. വേറെ പ്രപഞ്ചമുണ്ടെങ്കില്‍ എല്ലാം ഉള്‍ക്കൊള്ളുന്നതാണ് പ്രപഞ്ചം എന്ന് എങ്ങനെ പറയാനാകും? എല്ലാത്തിനും ഉള്ളടങ്ങാത്ത മറ്റ് ഏതു “എല്ലാം” ആണ് ഉള്ളത്?
നമ്മുടെ പ്രപഞ്ചത്തിന്റെ വലിപ്പമെന്താണെന്ന് തിട്ടപ്പെടുത്തിയിട്ടില്ലെന്നാണ് ഇതുവരെ ഉള്ള എന്റെ അറിവ്. സങ്കല്‍പ്പങ്ങള്‍ക്ക് അപ്പുറമാണ് പ്രപഞ്ചത്തിന്റെ വലിപ്പം.
നമുക്ക് ഇന്ന് അറിയാവുന്ന എല്ലാ ഭൌതിക നിയമങ്ങളും നമ്മുടെ പ്രപഞ്ചത്തിനു ബാധകമാണ്. അപ്പോള്‍ മറ്റു പ്രപഞ്ചങ്ങളില്‍ ഈ നിയമങ്ങളുടെ നിലനില്‍പ്പ് എന്തായിരിക്കും?  പ്രകാശത്തിനെക്കാള്‍  വേഗതയുള്ള കണികകളുടെ കണ്ടുപിടുത്തം നമുക്കു അറിയാവുന്ന അല്ലെങ്കില്‍ നമ്മള്‍ പിന്തുടര്‍ന്ന് പോകുന്ന ഭൌതിക സമവായങ്ങളില്‍  വരുത്തുന്ന മാറ്റങ്ങള്‍ ശാസ്ത്ര ലോകം ഇതുവരെ തിട്ടപെടുത്തിയിട്ടില്ല.
ഇവിടെ ചിന്ത മറ്റൊന്നാണ്. എന്താണ് ഏറ്റവും ചെറുത്‌? വലിപ്പങ്ങള്‍ ആപേക്ഷികങ്ങള്‍ ആണ്. വലുപ്പത്തിന് ആധാരം തന്നെ താരതമ്യങ്ങള്‍ ആണ്. ഈ പ്രപഞ്ചത്തിലെ എല്ലാ വസ്തുക്കളുടെ വലിപ്പവും ഇരട്ടി ആയി എന്ന് സങ്കല്‍പ്പിക്കുക. നമുക്കു ഒരു മാറ്റവും  മനസ്സിലാക്കാന്‍ പറ്റില്ല. (വലുപ്പം ഇരട്ടി ആകുന്നതു കൊണ്ടുള്ള ഗുരുത്വാകര്‍ഷണ മാറ്റങ്ങളെയും ഗ്രഹങ്ങളും മറ്റും അതിന്റെ സഞ്ചാര പഥത്തില്‍ തുടരാനകുമോ, എന്നും മറ്റുമുള്ള ചോദ്യങ്ങളെ ഒഴിവാക്കുക)
മുയോണ്‍ ന്യുട്രിനോയെക്കാള്‍ ചെറുതായി എന്താ ഉള്ളത് എന്നറിയില്ല. ഇലക്ട്രോണിന്റെ മൂന്നിലൊന്നു ഭാരം ഉള്ള കുഞ്ഞന്‍. അപ്പോള്‍ ചോദിക്കും ഫോട്ടോണിന്റെ ഭാരം പൂജ്യം അല്ലേന്ന്. നമ്മുടെ ഇന്നത്തെ പരിമിതമായ തുലനങ്ങള്‍ അല്ലേ ഫോട്ടോണിന്റെ ഭാരം പൂജ്യമാക്കുന്നത്? നമ്മുടെ ഇന്നുള്ള സമവായങ്ങളില്‍ മാറ്റം സൃഷ്ടിക്കാത്ത ഒരു ത്യജിക്കാവുന്ന ഭാരം ഫോടോണിനു ഉണ്ടായിക്കൂടെ? (ഇതൊക്കെ അറിയാമെന്കില്‍ ഞാന്‍ വല്ല നാസായിലും പോയിരുന്നു വിലസിയേനെ)
ഇവിടെ ചെറുത്‌ എതെങ്കിലുമാകട്ടെ. ഒരു സംശയം മാത്രം. നമ്മുടെ ഇന്നുള്ള സാങ്കേതിക വിദ്യ വച്ച് നമുക്കു അറിയാവുന്ന ചെറുതുകളാണ് ഇവ. എന്ത് കൊണ്ട് അതിനുള്ളില്‍ ഒരു കുഞ്ഞു മഹാ പ്രപഞ്ചം ഉണ്ടായിക്കൂടാ? തൊഴിയുന്ന മുടിയിലും വെട്ടി എരിയുന്ന നഖങ്ങളിലും എത്ര പ്രപഞ്ചമുണ്ടാകാം? അതോ, നമ്മളും നമ്മുടെ പ്രപഞ്ചവും ആരോ വെട്ടി എറിഞ്ഞ നഖത്തിലെ അല്ലെങ്കില്‍ മുടിയിലെ കുഞ്ഞു പ്രപഞ്ചം? എത്ര ആലോചിച്ചിട്ടും ഈ വലുപ്പങ്ങളുടെ ഗുട്ടന്‍സ് മനസ്സിലാകുന്നില്ല.

5 comments:

  1. മാഷേ, ശാസ്ത്രം വളരുകയല്ലേ. അപ്പോള്‍ നിഗമനങ്ങള്‍ സങ്കല്പങ്ങള്‍ എല്ലാം മാറി മറിയും നാളെയും

    OT

    >തൊഴിയുന്ന മുടിയിലും വെട്ടി എരിയുന്ന നഖങ്ങളിലും <

    അസ്സരതെറ്റ് :)

    ReplyDelete
  2. പൊട്ടന്റെ ഗുട്ടന്‍സ് :) എനിക്കിതില്‍ വലിയ വിവരമില്ലാ‍ാ.. ചുമ്മാ വന്നു കേറീപ്പോ ഒന്ന് കമന്റി...

    ReplyDelete
  3. Ellam ariyunnathu daivathinu mathram.AVIDUTHE munpil nam aru?

    ReplyDelete